Royal Enfield ના શોખીનો માટે Good News! ભારતમાં લોન્ચ થશે અત્યાર સુધીનું સૌથી શાનદાર મોડલ!

નવી દિલ્લીઃ આજકાલ યુવાનોમાં રોયલ એન્ફિલ્ડ બાઈક ચલાવવાનો ક્રેઝ વધ્યો છે. તો રોયલ એન્ફિલ્ડના પ્રેમીઓ માટે સારા સમાચાર છે. રોયલ એનફિલ્ડની લેટેસ્ટ 650 બોબર મોટરસાઇકલ તાજેતરમાં ડ્યુઅલ-ટોન એલોય વ્હીલ્સ સાથે જોવા મળી છે. શોટગન નામની આ મોટરસાઇકલ સાથે, કંપની સુપર મિટીયોર 650 અને ક્લાસિક 650 નામની બે વધુ 650cc મોટરસાઇકલ પર કામ કરી રહી છે.

બોબર મોટરસાઇકલનો આ કોન્સેપ્ટ સૌપ્રથમ EICMA ખાતે પ્રદર્શિત કરવામાં આવ્યો હતો અને તાજેતરમાં જ આ મોટરસાઇકલને પરીક્ષણ માટે વિદેશમાં ટેસ્ટિંગ દરમિયાન જોવા મળી. તેનાથી સ્પષ્ટ થાય છે કે નવી શોટગન ટૂંક સમયમાં ભારતમાં લોન્ચ કરવામાં આવશે. એવી અપેક્ષા છે કે નવી Royal Enfield Shotgun 650 આ વર્ષે લોન્ચ કરવામાં આવશે. આ બાઇક 648cc સમાંતર-ટ્વીન એન્જિન દ્વારા સંચાલિત છે, જે 47.6 PS પાવર અને 52 Nm પીક ટોર્ક જનરેટ કરે છે.

બોબર સ્ટાઇલ બાઇક-
Royal Enfield 650 Bobber મોટરસાઇકલને આગળ અને પાછળના ભાગમાં પહોળા ફેંડર્સ સિવાય ટિયરડ્રોપ ફ્યુઅલ ટેન્ક, રાઉન્ડ હેડલાઇટ અને ટેલલાઇટ સેટઅપ આપવામાં આવ્યું છે. આ રેટ્રો-સ્ટાઈલવાળી મોટરસાઈકલને કંપનીની સિગ્નેચર ડિઝાઈન લેંગ્વેજ પર બનાવવામાં આવી છે. બાઇકને બે ભાગમાં વિભાજિત સીટ આપવામાં આવી છે. શોટગનની સાથે નીચલા હેન્ડલબારને મધ્યમાં ફુટ પેગ્સ આપવામાં આવ્યા છે જે બોબરની સ્ટાઈલમાં વધુ ઉમેરો કરે છે. તેનું ઇન્સ્ટ્રુમેન્ટ ક્લસ્ટર Meteor 350 જેવું જ છે અને અહીં ડ્યુઅલ એક્ઝોસ્ટ પાઇપ સેટઅપ કોન્સેપ્ટ તેવું જ છે જેવું બતાવવામાં આવેલું છે.

અંદાજિત કિંમત 3 લાખ રૂપિયા-
Royal Enfield Shotgun 650ના પાછળના ભાગમાં USD ફોર્ક અને ટ્વીન શોક એબ્સોર્બર્સ આપવામાં આવ્યા છે. તાજેતરમાં પરીક્ષણ કરાયેલા મોડલમાં ડ્યુલ ટોન એલોય વ્હીલ્સ આપવામાં આવ્યા છે અને નવી મોટરસાઇકલ રોયલ એનફિલ્ડના પોર્ટફોલિયોમાં સૌથી રસપ્રદ બાઇકોમાંની એક હોવાનું જણાય છે. આ મોટરસાઇકલ સુપર મેટિયોર 650 પછી લોન્ચ કરવામાં આવશે, જે આ વર્ષના અંત સુધીમાં અથવા 2023ની શરૂઆતમાં ભારતમાં લોન્ચ થવાનું અનુમાન છે. તમને જણાવી દઈએ કે આ નવી મોટરસાઇકલને 3 લાખ રૂપિયાની કિંમતે માર્કેટમાં લોન્ચ કરવાનું અનુમાન છે.